هوسات العراق وهتافات التشجيع

هلو حنافيش شلونكم
جبتلكم هوسات وهتافات وكَولات لتشجيع المنتخب العراقي
ان شاء الله تفيدنا ونكًدر نصعد الى نهائيات كأس العالم جنوب افريقيا 2010 (( كولو يارب ))

يلة نبدي
01
على الخير والبركة
أسترالي صاير تنكة

02
أسترالي وينه وينه
عراقي كسر عينة

03
عراقي عالي عالي
أمريكي جوه نعالي

04
جيبة جيبة
جيب الكاس جيبة

05
إلعب يا لاعبنا
كَول وفرحنا

06
هذا العراقي الباشا
سوى الفرق خرخاشة

07
ما عنده غيرة إلما يشجع بلدة
ما عنده غيرة

08
إحنا الأسسنا الملعب
وإحنا النلعب بي

09
آني عراقي مدوخ الناس
ولعبي يرفع الراس

10
هذا العراق بشبابه
والناس كلهه تهابه

11
كَول وفرحنا
مو شلعتوا كَلبنا

12
ويـن رايح ويـن العراقي كَدامك
يعلايا يعلايا
عراقي جنة مراية يعلايا

13
الكاس راقي راقي
وما يريد غير العراقي

14
هذا يكَول إي هذا يكَول لا
هذا فريق العراق لا تلعب وياه

15
يهل اللبن والروبة
إجابكم عالطوبة

15.5
يهل القلم والدفتر
إجابكم عالأنتر

16
بلي يا بلبول بلي
عراق ليفربول بلي

17
هذا العراقي الطاير
خله الأسترالي حاير

18
اليوم يومك يا بطل
إجيب الفرحة للشعب

19
كل العراق يكَول
منصورة يا بغداد

20
جيس جيس جوية
علاكَة دبل قوية

21
هيه هيه
صيني طلع بوخة

22
ودار الزمان ودارة
العراق بالصدارة
ما تلحكَة العارية
لو ركبوا الطيارة

23
من كَايلك
تلعب طوبه

24
الملعب يحله
ويونس بيه

25
ها هي
هسه يجي الأول

26
ها هي
هذا الحكم حاقد

27
ها هي
هذا الحكم ناقص

28
ها هي
هذا الحكم وصخ حضرولة صابونة

29
ها هي
هذا الحكم وردة

30
ها هي
هذا الحكم ناقص

32
جان الكاس واكَف طول هل مدّه
منهو أعله المنصّه اليصعد ايشدّه
اجا أبن العراق وشاله من خدّه
( وبزوده هوّس لبلاده )

33
كتيبه المنتخب والقائد افيَرا
خلّولك فرقهم عايشه إبحيرهِ
يعذرنه الهدف من نضرب إنديره
( ومرجوحه نلعب بالشبجه )

34
من طب منتخبنه الخصم متعجّب
حسباله إبسهوله وسرعه يتغلب
ما يدري اسود أعله الأرض تلعب
( كل صوله يهتز المَدْرَج )

35
من نزلوا الملعب خاف حتى الكَول
لان يونس وحدة صال بيهم صول
والباقين عشرة عرض لعبوا وطول
(الملعب ضاكَ عليهم صار الكنغر بزونة )

36
أبيض وصافي لونة
أسودنا جنهم برشلونة

37
صفر يا حكم
صاروا فلم هندي

38
الفوق فوق والجوى جوى
وإللي ما يخسر نخسرا كَوة

39
اولمبينه يعلك بينه
وللقمة هوه يودينه

40
بس العراقي يلعب
والخصم يبجي ويتعب

41
هذا أبيض هذا أخضر
فايز وما أظنة يخسر

42
سوده عليه
إنسحل كنغوري

43
سواها الأبيض ...والله سواها
فرح كل عراقه البيه يتباها

44
افتح يا كنغر أشباكك نحن العراق
افتح و استقبل الكَواله نحن العراق

45
شوفوا العراقي إشلونه
فدوه رحت لعيونه
وشحدهم يلحكَونه
سوه الخصم بزونه

46
ها هي
صاروا فلم هندي

47
يونس قاذفة
واحنة صواريخه

[/url]
[justify]

مشكور حبيبي
وبالتوفيق للمنتخب

مشكور حبي

العفو اغاتي الشُكر لله
مشكور على ردودكم الحلوة

شكرا ...........اشكد ها اهوي غير اتكلي جيب جيس وياك حتى تاخذ منهن.....

شكرا تقبل مروري............

مشكوووووووووووووور على الهوسات الحلو

يا رب يصعد منتخبنا مشكوووووووور حبي

مشكور حبي عاشت الايادي

مشكور حبي على الهوسات
أبيض وصافي لونة
أسودنا جنهم فشلونة

مشكورين على ردودكم الحلوة

مشكورين على ردودكم الحلوة

ههههههههههههههه
حلوة عاشت ايدك

مشكور علاوي الورد

تتدللون اخوان

والله منورين الموضوع بمروركم الحلو

تسلمووووووووووون

امين يارب
مشكور حبي

منور جمجوم بردك

يارب التوفيق للمنتخب الوطني

عاشت ايدك خيواااااااااااا

ايدك العايشة فروسي الورد

والله منور بردك الحلو

» طاقم تحكيم من اليابان لمباراة العراق و القطر
» آلاف العراقيين يخرجون إلى الشوارع وسط إطلاق نار كثيف بعد فوز العراق على الصين
» مسابقة النتائج: قطر vs. العراق
» بطولة العراق: الاتحاد العراقي يبقي على قرار تأجيل مسابقة الدوري
» تعالو شوفو تحشيش الحشرات مال محافظات العراق