للوطن الجريح هاي الكلمات مني نور الله (مغتربة)

وصفينا أيدنا ويه الكاع
حته الكاع ملّت من خطاوينه
وصفينا بلا أمل وياك
حته الأمل شال يوم الي سمع بينه
وصفينا أركام يامهيوب أسمك
ليش تريد تمسح كل أسامينه
وصفينا أيد تلو الايد
بعد ماحار الوكت شلون يلوينه
وصفينا الدم للركاب يسيل
بكل بيت الجفن حضرناه
خاف الموت يلفينه
وصفينا من الغروب أنام
بعد ماجانت سهر كلها ليالينه
وصفينا أنكول للي يموت
روح أخلص من قهرنا ومن بلاوينه
وصفينا بالتفك متحزمين
بس نكتل بعض والموت حادينه
وصارت كل مدنا كبور ظلمه
ونلبس بس سواد
شوكت ماجيت تلكينه
وصفينا عل الهويه نذبح الجيران
ولاجن سنين حلوه وياه كضّينه
وطولنا اللحايه وكصرنا الثياب
وصار بأسم الدين تطلع كل فتاوينه
وصفينا نخبط الصافي بنهرنا
الماصفه فد يوم طينه
وصفينا نعيد بالتاريخ
ولعصر الجاهليه اليوم ردّينه
ولاجنّه أول حضاره صارت عل الكاع
ولاجن أول مسّله أحنا سنينّه
ولاجن حكمنا الدنيا من بغداد
ولاجن المنايا تخاف لو سمعت بطارينه
ولاجن كبل واحدنا من ينضام
يفز الكَلب من حشاه ويعينه
شجانه اليوم بس كاتل ومكتول
لارحمة بكلبنه كلي شبينه
نبوك من الليالي مسامر الخلاّن
ونكطع وصل حبهم من شراينه
نحّرم كل ترافه تخطر عل البال
وندندن صرنا بالبسكوت اغانينا
وصفينا كلشي ماحاوين
لاحاضر جديد ولاماضي
قديم الي يواسينه
نهاجر نكول بلكي يهدَ البال
بره ونحقق امانينه
ومن نفرح غفل نبجي بدمع مهضوم
لان فرحتنا تغّص بكل مآسينه

للوطن الجريح هاي الكلمات مني نور الله (مغتربة) Daf2d5431d

روعه قصيد كلها احساس وطني جياش
وشكرا جزيلا على المشاركه في المسابقه الوطنيه الي دل على حبكم لوطنكم

تسلمين نور

يسلموووووو نور على هالقصيده الحلوه

عاشت الايادي ياعسل

يسلملي مرورك حنافيش هذا اقل شي للوطن الجريح

يسلمووووووووو حنافيش

تسلمين خيه

عاشت ايدج نونة

والله قصيدة رووووووووووووعة

تسلمين ملوكة تقبلي مروري

تسلمين ملكتنا على الاحساس الرائع والجميل

» اقف على نهر الفرات الجريح
» حرب الكلمات !!!
» اي الكلمات التاليه تؤلمك
» اكثر الكلمات المتداوله في العراق
» الله يخليكم ساعدوني