سندريلا العراقية

موضوع: سندريلا العراقية 25/03/08, 04:18 pm

ما هي قصة سندريلا العراقية ؟؟

كان يا ما كان في عتيك الزمان
جان اكو بنية اسمها سندريلا, خوش حاتة اصلية وعلمودها غنى حسام الاغنية مال العكربة ... المهم جان عدها مرت اب كلش خبيثة وجانت تشتغل وية الامريكان مترجمة وابوها خطية يبيع قوايش مال مبردة حجم 1100 بعكد النصارى واحيانا يبيع شخاط فلّ, خوش ازلمة مال اول ... وجانوا الكل سايكين على سندريلا المسكينة
... روحي سوي الجوزة مال المولد فصلت
... روحي اوكفي سرة على الغاز
... روحي لسهام العبيدي اشتري شحاطات لخواتج "وهم 3 خوات من غير اب وحيل خبيثات".
... روحي شلعي الشتايكر مال السطح ورجعيه مرة لخ
... روحي بدلي الدهن مال المولد " الاقصى " كامت اتفحّط
وهاي خطية كلش حبابة وتروح ولا تفتح حلكَها "بس من جواها جان التقسيم مشتغل عليهم "
المهم ... فد يوم من الايام جانت دة تصعد مي بجليكان ابو الـ20 "المي ضعيف والماطور ميصعد لان كهرباء ماكو" ... لكت بالطرمة فانوس بس شنو مزنجر وعتيك عبالك جان بدوائر الدولة واتحوسم, جتي عليه فركته وكام يطلع دخان, سندريلا انرعصت وكالت: شنو هالدخان؟؟!!
الدخان شوية شوية اتحول الى جني لابس دريس مال برشلونة وبوتين اديداس وسوار ذهب وحاط معطر Freedom for men وكللها:-
شبيك لبيك عبدك بين ايدك, انا الجني رامي من العرصات شتريدين اسويلج بس عالسريع لان ماما دكتلي مسكول ولازم ارجع. (( الجني طلع من جماعة ماما غطيني ))
سندريلا شافتها فرصة متتعوض فـــــكَالت : عمو الجني اريد كهرباء وطنية بس 24 ساعة عفية الله يخليك (بعد شوية وتبوس ايد الجني رامي).
كال الجني : ولج بابة هوة اني ساحب واير 5 امبير من مولد للفانوس اشون اجيبلج الج وطني 24 ساعة؟ شنو جني لو وزير كهرباء؟
زين عمو عمو اريد قنينة مال غاز متروسة لان امعوزين وكلش...
ولج عمو شنو هالحجي؟ ولج انت شكد بطرانة, اكو واحد يطلب من جني قنينة غاز؟ شايفتني رابط الفانوس عالحصان؟
عمو عمو لعد شتكدر تسويلي؟؟؟
باعي عمو انتي بعدج صغيرة وحلوة, والامير راح يسوي حفلة وادري اهلج راح يرحون (بايكَ الاسئلة) . شنو رأيج لو اخليج اتروحين وتتونسين؟ احتمال تطلعين بصاية وصرماية لان الشرقية هم دة تصور هناك. حفلة طاكة بابة.
زين اشون اروح عمو؟ نفرات لو كيا؟
بابة معليج, هسة غمضي عينج ... سندريلا غمضت عينها "ومن الغريب يا جماعة انه اول مغمضت عينها مكامت تشوف, وهذا الشي محد لكاله تفسير لحد الآن" ... وشافت سندريلا نفسها لابسة تنورة كصيرة وبدي وحذاء مفتوح ... وكللها الحلفة اقصد الحفلة تخلص بالـ8 ونص علمود منع التجول وكل هاي الهدوم توكع والحذاء والـ Make Upوكلشي راح يختفي اذا عبرت الـ8 ونص واحتمال تنعلسين مو احتماااااااال اكيد .....
حاضر عمو, شكراااااااااا "هاي شكرا طويلة مال الزعاطيط"
وصلت سندريلا للبيت, الامير جان مسوي حفلة لان طلع 77 بالسادس اعدادي وحيروح كلية اهلية احتمال او طب بيطري بعد ما ادري, الحفلة جان بيها نجوم هواية منهم سمراء وساجدة عبيد " وكله هجع وعالكَة" وسهام السبتي هم جانت موجودة و جان الامير مقوط ((يعني لابس قاط)) وشاد الرباط على راسه وامقندل وصاير طلي وردح لليافوخ وفجأة الامير صاد سندريلا وعجبته وكابلها ردح وجتف ساعتين وسندريلا نست روحها ونست الكراب والسراوات والبهذلة ونزلت ردح وية الامير الى ان صارت 8 ونص ... الله!!!!! انلاصت, اتذكرت الوصية مال رامي الجني وكالت لازم اشطح وركضتلك عالسريع جنها برازيلي توها امجفته, والامير وراها:
ولج تعااااي, شبيج اتخبلتي؟؟ مو دا احجي وياج؟؟ وين امولية؟؟ فضيلة "هلكد مسكران نسى اسمها".
المهم ركضت سندريلا و جان يوكَع الحذاء مالتها بلا متدري, جان الامير يشيل الحذاء ولزمه وضل صافن عالعالم اللي انتبهوا عاللقطة وكاموا يباوعون عليه, الامير بقى شايل الحذاء وصورة سندريلا الحلوة اباله ومصدوم ... الحفلة توقفت طبعا والعالم سكتت من المفاجأة, جان يباوع الامير عالعالم ... صنطة ... وكال للناس:

تدرون شكَااااااال :

فاصل ونوااااااااصل

رجعنا من الفاصل

كَال الامير:

الشركة العامة للصناعات الجلدية فخر الصناعة الوطنية العراقية, خبرة وتميز في مجال المصنوعات الجلدية من الاحذية والحقائب بأرقى المواد.

خخخخخخخخخخخخ

تحياتي للجميع

موضوع: رد: سندريلا العراقية 25/03/08, 05:41 pm

ههههههههههههههههههههههههههههههههههههههههههههههههههههههه

يسلمووو علاوي والله قصه تخرب من الضحك

دممك عسل

تسلم يالغالي

موضوع: رد: سندريلا العراقية 26/03/08, 06:30 am

هع هع عاشت ايدك حبي علاوي اتخبل ذكرتني بايام زمان هع هع

موضوع: رد: سندريلا العراقية 27/03/08, 02:10 pm

هع هع هع هع

يسلملي مروركم عيني حنافيش الغالين

موضوع: رد: سندريلا العراقية 28/03/08, 02:55 pm

ههههههههههههههههههههههههههههههه

عاشت الايادي الحلوة
يسلمو

موضوع: رد: سندريلا العراقية 28/03/08, 03:03 pm

ههههههههههههه
تسلم حبيبي علاوي الغالي

موضوع: رد: سندريلا العراقية 29/03/08, 03:17 am

منورين حبايب

ايدكم العايشة

منور جمجوم انت وحنفوش البطل

موضوع: رد: سندريلا العراقية 31/03/08, 02:17 am

عاشت ايدك حبي علاوي

موضوع: رد: سندريلا العراقية 31/03/08, 02:37 am

ايدك العايشة بغدادي الورد

منور الموضوع

موضوع: رد: سندريلا العراقية 31/03/08, 02:56 am

حبي هذا نورك

موضوع: رد: سندريلا العراقية 01/04/08, 05:39 pm

هع هع عاشت ايدك حبي البغدادي والله حلوه هع هع

موضوع: رد: سندريلا العراقية 01/04/08, 09:42 pm

هاي شبيك فروسي

هذا الموضوع آني اللي نزلته مو بغدادي

عالعموم منور الموضوع فروسي الورد

» حلاوة الشعرية العراقية
» تمن بنكهة الدارسين على الطريقة العراقية
» احلى الرسائل العراقية تفــــوتكم
» لمن يريدتعلم اللهجة العراقية. اصطلاحات عراقية.