سليمة تسافـر الى استراليا بحفظ الله ورعايته

ستسافر سليمة الى استراليا ، لتتزوج من ابن عمها ارحيم الاسترالي الجنسية ، وبهذه المناسبة التاريخية والعزيزة على قلوب الجميع، اقامت ام سليمة حفلة توديع في بيتها ، دعت اليها جاراتها اللائي انشغلن بمسح دموعها على فراق ابنتها ، وسفرها الى قارة استراليا المليئة بالكناغر .

رسمية خالة سليمة مدمنة فضائيات من الطراز الاول ، فهي عاشقة هيفاء وهبي التي تعتقد انها شبيهتها في شبابها ،

هذه الخالة جلست تقدم النصائح تلو النصائح لابنة اختها فأول شيء طلبته منها هو تغيير (اللوك ) يعني تعديل جهرتها وجعلها (مودرن) ، قصت لها ظفيرتيها وذهبت بها الى بيت صبيحة الحفافة ، لتقوم بواجبها على اكمل وجه من ناحية (قاط الشيرة القوي) ،

عادت بها الى البيت وباشرت وشم جسد البنت المسكينة برسوم وكلمات اجنبية وعربية ، وكانت تقول :: (حتى ارحيم القشمر ليكول اجيتيني متخلفة وكلشي متعرفين واني سويتج ادمية) ،

فقد رسمت على كتفها الايسر عقرب اسود ، وكتبت على بطنها (اه ونص ) ، وفي مكان اخر كتبت (هسة ارتاح كَلبي) .....

وبعد الانتهاء من هذه المهمة النبيلة اعطت الخالة الحنون دروسا خصوصية في الحياة الزوجية فمن (كلوب احمر ابو الستين) الذي يجب ان يضيء غرفتها يوميا بعد التاسعة بتوقيت استراليا المحلي ،الى نوعية الشراشف الناعمة الملمس ،الى ملابس النوم والبخور والبقلاوة التي تقدم كوجبة مهمة قبل النوم .

انهت الخالة رسمية دروسها بتقديم ورقة ملفوفة بقطعة قماش خيطت بعناية لتضعها العروس تحت وسادتها لتطرد الجن والشياطين الاسترالية تحديدا،

الان جاء دور العمة ،

التي اوصتها باطاعة الزوج والامتثال لاوامره وعدم رفع الصوت امامه وعدم الذهاب الى السوك او للعيادة الشعبية او للجيران بدون علمه ، كما اوصتها بالنظافة وكنس باب البيت يوميا ونشر البسط والبطانيات على السطح (من تطلع الشمس) وان تكون (مرة شاطرة ) تكعد من غبشة تخبز وتطبخ وان لاتتشرط وتاكل الي الله قاسمه وتشارك رجلها بالحلوة والمرة.

وبالاضافة الى هاتين الوصيتين يمكننا تسجيل مجموعة اخرى من وصايا الجارات العزيزات

* بنيتي الاجانب مايحبون الغيبة والنميمة والقال والقيل ،ديري بالج تكرضين احد كدامهم
* الاستراليات عيونهن تكتل ديري بالج من الحسد ،يومية اقري المعوذات ونامي .
* الاجنبيات سمعهتن مو هلكد لاتختلطين بيهن هواي ، تره يجرنج للطريق .
* مو تتبواسين وية الزلم مثل مايسوون بالتلفزيون تره هاي عدنه مايلبس عليها ثوب
* خلي بالج على رجلج تره الاستراليات ياما هجمن بيوت .
* اذا كالولج (كود مورننك ) يعني صباح الخير واذا ( كود ايفننك ) يعني مساء الخير
* اذا قدمولج عرك لو بيرة كليلهم (ثانكيو فري ماج) بس شربت بلنكو ما اغير .
* مو كل يوم زعلانه ، ترى الطيارة كروتها كلش كلش غالية .
* اخذي وياج كاسيتات ردح حتى تتذكرين العراق .
* اذا قدمولج بيبسي موتشربي كله ، جنج ماشايفه عمه اليعميج ، خلي منه شوية بالبطل
* لاتذبين تنكة الزبالة بالركن ، ترى راسا يجوج الشرطة .

* اذا طلكج ارحيم ، بس كليلهم هذا ارهابي وانت معليج، يصلخوه صلخ..وداعتج يودون جلده للدباغ هذا الساقط لأنهم كلش يضوجون من الارهابيين.
* اذا واحد غمزلج لاتكولين لارحيم عليه ، سوي روحج ما شفتي ترى تصير بالتواثي
* مو تفلين بالكاع ترى يغرموج ورقتين .

استمعت سليمة لهذه النصائح القيمة واستاذنت الجميع لتنام ، الجارات زعلن و لم يرق لهن تصرفها هذا ، خاصة وهذه هي اخر مرة يلتقين بها لانها ستسافر غدا ، خرجن على الفور زعلانات وعقدن مؤتمرا في منتصف الشارع جاء فيه ::

* والله سليمة اذا مالعبت شاطي باطي هناك وفضحتنه اني مو سعيدة
* يمعودة عبالج اتوب نفس الشي، راح تكض الباب وتأشر للرايح والجاي
* هو ارحيم ما لكه غيرها ، لو سألني جان عددت كل فتوكها
* بالله هي هاي شكولات مال استراليا ، همه عايزيين كناغر ورايحتلهم سليمة ام بوز
* هسة هو ارحيم شلونة ، يكولون حتى باستراليا بعده املح وسنونة طايحة وكصته امشكه ويبيع غاز بعربانة
* اذا سليمة مافلتت ويه شاب استرالي اشكَر وتعال ياعمي شيلني ما اتسمى باسمي
* وين الله ويرجعوها من الحدود عبالهم كاولية
* انشالله باستراليا وتطك عليها عبوة .
* لايمعودة لتخافين عليها هاي عده حظ مال .....

شفتو شلون قشبة النسوان دمااااار شامل ...

للامانه مخموط

هههههههههههههههههههههههههههههههههههههههههههههههههههههههههههههههه

لالالا تحشيش خنفشاااري

والنصائح ماكو منهة

اذا قدمولج بيبسي موتشربي كله ، جنج ماشايفه عمه اليعميج ، خلي منه شوية بالبطل

والله خطيه سليمه ثرموهة ثرم خخخ

يسلموووووووووووو فراس

يسلملي مرورج عيني بنوته والله منوره بردج الحلو

هههههههههههههههههههههههه
والله منورنا بابداعك حبي فروسي

يسلملي مرورك حبي حنفوش والله منور بردك الحلو

الله ايساعد اسليمة

نزلتوا عليه

فرد نزلة

تسسسسسسسسسسسسسسسسسلم فروسي

يسلملي مرورك حبي فارس والله منور بردك الحلو

ههههههههههههههههههههههه
حلوة عاشت الايادي يسلمو خيو
وتقبل مروري

يسلملي مرورك حبي جم جم والله منور بردك الحلو

هههههههههههههههههههههههههه...........لك شنو هاي النصائح فروسسسي...........

هيه ما اسسستراليا سسسليمه .....خطيه هسسسه تدوخ السسسبع دوخات وره هذا الدرس....

تقبل مروري فروسسسي وعاشت ايدك..........

هع هع شلون لعد هيه وين رايحه غير لاستراليا هع هع
يسلملي مرورك حبي كفاح والله منور بردك الحلو

هع هع هع هع هع هع هع هع هع هع

عاشت ايدك فروسي على الموضوع

خربت ضحك تسلم

يسلملي مرورك حبي علاوي والله منور بردك الحلو

» الله تشريب احمر
» بسم الله الرحمن الرحيم
» الله يخليكم ساعدوني
» للوطن الجريح هاي الكلمات مني نور الله (مغتربة)
» اليوم أنوي أقدملكم بعض أغناني الأنمي وانشاء الله تنال أعجابك